ভাৰত চৰকাৰ
অনিতা গোস্বামী
ৰাজ্য : মধ্য প্ৰদেশ
জিলা : দেউৱাছ
ব্লক : সোণকচ্ছ
গাঁও : এনাবাদ
স্ব-সহায় গোট : জয় গুৰুদেৱ আজীৱিকা স্ব-সহায় গোট
জীৱিকাৰ কাম-কাজ : কেঁচু সাৰ গোট পৰিচালনা, দুগ্ধ উৎপাদন
লখপতি দিদিৰ যাত্ৰা :
দেউৱাছ জিলাৰ এনাদাবাদ গাঁৱৰ নিবাসী অনিতা গোস্বামীয়ে নিজৰ সফল কেঁচু সাৰ গোটৰ জৰিয়তে দৃঢ়তা আৰু স্বনিৰ্ভৰশীলতাৰ এক আদৰ্শ হিচাপে আত্মপ্ৰকাশ কৰিছে। জয় গুৰুদেৱ আজীৱিকা স্ব-সহায় গোটত যোগদান কৰাৰ আগতে অনিতাৰ জীৱনটো কেৱল ঘৰুৱা কাম-কাজ আৰু খেতিত স্বামীক সহায় কৰাৰ মাজতে সীমাৱদ্ধ আছিল।
আজীৱিকা মিছনৰ অধীনত স্ব-সহায় গোটত যোগদান কৰাৰ সিদ্ধান্তৰ লগে লগে অনিতাৰ জীৱন সলনি হৈ পৰিল। আৰম্ভণিতে তেওঁ লোৱা ২০,০০০ টকাৰ প্ৰথমটো ঋণ মটৰ মাহ খেতিৰ বাবে ব্যৱহাৰ কৰিছিল, যিয়ে ১ বিঘা মাটিৰ পৰা ৩০,০০০ টকাৰ লাভ দিছিল। এই সাফল্যত উৎসাহিত হৈ অনিতাই জৈৱিক সাৰ উৎপাদন আৰম্ভ কৰিবলৈ ২০টা বেগৰ সৈতে এটা কেঁচু সাৰ গোট স্থাপনৰ বাবে ৬০,০০০ টকাৰ দ্বিতীয়টো ঋণ লয়। এই উদ্যোগে কেৱল তেওঁৰ পথাৰখনৰে নহয়, ওচৰৰ গাঁওসমূহৰ বহনক্ষম কৃষি পদ্ধতিকো সহায় কৰিছে।
আজীৱিকা মিছনৰ নিৰ্দেশনাত তেওঁ নিজৰ কেঁচু সাৰ গোটটো সম্প্ৰসাৰিত কৰে আৰু এতিয়া প্ৰতি তিনি মাহত ৪০ কুইণ্টল সাৰ উৎপাদন কৰে। অনিতাই এই সাৰ প্ৰতি কুইণ্টলত ৮০০ টকা দৰত চুবুৰীয়া খেতিয়কসকলক বিক্ৰী কৰাৰ লগতে নিজৰ পথাৰতো ব্যৱহাৰ কৰে, যাৰ ফলত তেওঁৰ সমাজত জৈৱিক কৃষিৰ প্ৰসাৰ ঘটিছে।
এগৰাকী প্ৰমাণিত এ-হেল্প (A-HELP) হিচাপে অনিতাই নিজৰ গাঁৱৰ পশুধনৰ স্বাস্থ্যৰ ক্ষেত্ৰত সহায় কৰে আৰু এই কামৰ পৰা মাহিলী ১৬,০০০ টকা মাননি লাভ কৰে।
কেঁচু সাৰ বিক্ৰীৰ পৰা বছৰি অতিৰিক্ত ৩০,০০০ৰ পৰা ৩৫,০০০ টকা উপাৰ্জন হয়, যাৰ ফলত সকলো উৎসৰ পৰা তেওঁৰ মুঠ মাহিলী আয় ২৯,০০০-৩০,০০০ টকা হয়গৈ।
অনিতা গোস্বামীৰ কাহিনীটো হৈছে দৃঢ়তাৰ সৈতে সঠিক সুযোগ আৰু সমৰ্থন মিলি কেনেকৈ জীৱন সলনি কৰিব পাৰি তাৰ এক শক্তিশালী উদাহৰণ। আজীৱিকা মিছনৰ জৰিয়তে তেওঁৰ সাফল্যই তেওঁৰ গাঁৱৰ আন বহুজনৰ বাবে অনুপ্ৰেৰণা হিচাপে কাম কৰিছে।
