ভাৰত চৰকাৰ
অনুপমা ঠাকুৰীয়া
ৰাজ্য : অসম
জিলা : কামৰূপ
ব্লক : ৰাণী
গাঁও : আগচিয়া
স্ব-সহায় গোট : বুঢ়াগোহাঁই স্ব-সহায় গোট
জীৱিকাৰ কাৰ্যকলাপসমূহ : কুকুৰা পালন
লখপতি দিদি'ৰ যাত্ৰা
অতি সীমিত সম্পদ আৰু কম আয়ৰ এগৰাকী গৃহিণী অনুপমা ঠাকুৰীয়াই 'বুঢ়াগোহাঁই স্ব-সহায় গোট'ৰ সদস্য হিচাপে নিজৰ যাত্ৰা আৰম্ভ কৰিছিল। তেওঁৰ উচ্চাকাংক্ষা আৰু দৃঢ়তা থকা সত্ত্বেও আৰ্থিক সীমাবদ্ধতাৰ বাবে তেওঁ কোনো জীৱিকাৰ কাম আৰম্ভ কৰিব পৰা নাছিল। অৱশ্যে স্ব-সহায় গোটটোৱে আয়োজন কৰা পশুপালনৰ প্ৰশিক্ষণত অংশগ্ৰহণ কৰাৰ পিছত তেওঁ 'লেয়াৰ' কুকুৰা পালনৰ বিষয়ে জানিব পাৰিলে। এই জ্ঞানেৰে উৎসাহিত হৈ তেওঁ ২০২১ চনত নিজাকৈ কুকুৰা পালনৰ ব্যৱসায় আৰম্ভ কৰে।
তেওঁ ৰিভল্ভিং ফাণ্ড, কমিউনিটি ইনভেষ্টমেণ্ট ফাণ্ড আৰু নিজৰ ব্যক্তিগত সঞ্চয়ৰ পৰা ১ লাখ টকা বিনিয়োগ কৰি ৫০ জনী লেয়াৰ কুকুৰা কিনিছিল। তেওঁৰ এই প্ৰচেষ্টা সফল হ’ল আৰু তেওঁ লাহে লাহে ফাৰ্মখন সম্প্ৰসাৰণ কৰিলে। দুবছৰৰ পিছত তেওঁ নিজৰ স্ব-সহায় গোটৰ জৰিয়তে প্ৰায় ৪ লাখ টকাৰ ঋণ লাভ কৰে, যাৰ ফলত তেওঁ ফাৰ্মখন অধিক ডাঙৰ কৰিবলৈ সক্ষম হয়। বৰ্তমান প্ৰায় ৮০০ জনী কুকুৰা পালনৰ ক্ষমতা আৰু দৈনিক ৭৫০ টা কণীৰ উৎপাদনৰ সৈতে তেওঁ কেৱল স্থানীয় বজাৰত কণী বিক্ৰী কৰাই নহয়, গাঁওখনৰ পুষ্টিৰ ক্ষেত্ৰতো অৱদান আগবঢ়াইছে। তেওঁৰ দৃঢ়তা, অধ্যৱসায় আৰু উদ্যমী মনোভাৱৰ বাবে বৰ্তমান মাহিলী আয় ১৫,০০০ টকা হৈছেগৈ।
