ভাৰত চৰকাৰ
আশা দেৱী
ৰাজ্য : উত্তৰাখণ্ড
জিলা : উত্তৰকাশী
খণ্ড : পুৰোলা
গাঁও : ঢাকৰা
স্ব-সহায় গোট : কেদাৰ স্ব-সহায় গোট
জীৱিকাৰ কাৰ্যকলাপ : হাতেৰে বোৱা ঊলৰ কাৰ্ডিগান, ৰস (জ্যুচ), জাম আৰু আপেল- বিলাহীৰ চাটনি প্ৰস্তুত কৰা
লখপতি দিদি'ৰ যাত্ৰা
উত্তৰকাশী জিলাৰ পুৰোলা ব্লকৰ ঢাকৰা গাঁৱৰ বাসিন্দা শ্ৰীমতী আশা দেৱী দৃঢ়তা আৰু সফলতাৰ এক উজ্জ্বল নিদৰ্শন।
যিটো পৰিৱেশত মহিলাসকল পৰম্পৰাগতভাৱে ঘৰৰ চাৰিবেৰৰ মাজতে আবদ্ধ আছিল, তেনে সময়তে তেওঁ এটা গোটত যোগদান কৰি হাতেৰে বোৱা কাৰ্ডিগান, জ্যুচ, জাম আৰু চাটনি তৈয়াৰ কৰিবলৈ শিকি জীৱনৰ এক নতুন মোৰ পালে। তেওঁ এই বিষয়ত প্ৰশিক্ষণ গ্ৰহণ কৰি ডেৰাডুন আৰু ৰুদ্ৰপুৰৰ ‘সৰস মেলা’ৰ দৰে অনুষ্ঠানত অংশগ্ৰহণ কৰে আৰু তাত নিজৰ বিভিন্ন সামগ্ৰী উল্লেখনীয়ভাৱে বিক্ৰী কৰে। এই অৰ্থনৈতিক পথটোৱে তেওঁৰ কেৰিয়াৰত গুৰুত্বপূৰ্ণ সফলতা কঢ়িয়াই আনিলে। ডেৰাডুন আৰু ৰুদ্ৰপুৰত তেওঁ দেশৰ বিভিন্ন প্ৰান্তৰ প্ৰায় ২০০ - ২৫০ গৰাকী স্ব-সহায় গোটৰ মহিলাৰ সৈতে একত্ৰিত হয় আৰু নিজৰ কুশলী সামগ্ৰীসমূহ প্ৰদৰ্শন কৰাৰ লগতে সফলতা, সৱলীকৰণ আৰু সমৃদ্ধিৰ কাহিনী বৰ্ণনা কৰে।
এই গৌৰৱান্বিত 'লক্ষপতি দিদি'য়ে মাহিলী প্ৰায় ১০,০০০ টকাৰ পৰা ১২,০০০ টকা উপাৰ্জন কৰিছে।
তেওঁৰ বিভিন্ন কাৰ্যকলাপৰ পৰা হোৱা আয়ে তেওঁৰ পৰিয়ালৰ আৰ্থিক অৱস্থাৰ যথেষ্ট উন্নতি সাধন কৰিছে। উত্তৰাখণ্ড ৰাজ্যিক গ্ৰামীণ জীৱিকা অভিযানৰ সহযোগত গঢ় লৈ উঠা তেওঁৰ এই কাহিনীটো সামূহিক প্ৰচেষ্টা আৰু স্বাৱলম্বনৰ শক্তিৰ এক প্ৰমাণ।
