ভাৰত চৰকাৰ
ভৱানী
ৰাজ্য : পুডুচেৰী
জিলা : পণ্ডিচেৰী
ব্লক : আৰিয়ানকুপ্পম
গাঁও : মধুকাৰাই পূব
স্ব-সহায় গোট : জয়ম স্ব-সহায় গোট
জীৱিকাৰ কাৰ্যকলাপ : ঘৰৰ পাছফালৰ কুকুৰা পালন
লখপতি দিদি'ৰ যাত্ৰা
অতি কম আয় আৰু সীমিত সম্পদ থকা এগৰাকী গৃহিনী শ্ৰীমতী ভৱানীয়ে 'জয়ম স্ব-সহায় গোট'ৰ সদস্য হিচাপে নিজৰ যাত্ৰা আৰম্ভ কৰিছিল। তেওঁৰ দৃঢ়তা আৰু উচ্চাকাংক্ষা থকা সত্ত্বেও আৰ্থিক নাটনিৰ বাবে তেওঁ কোনো জীৱিকাৰ কাম আৰম্ভ কৰিব পৰা নাছিল। অৱশ্যে পুডুচেৰীৰ ৰিভাৰ (RIVER) পশু চিকিৎসা মহাবিদ্যালয়ত স্ব-সহায় গোটে আয়োজন কৰা পশুপালনৰ প্ৰশিক্ষণত অংশ লোৱাৰ পিছত তেওঁ কুকুৰা পালনৰ বিষয়ে জানিব পাৰে। এই জ্ঞানৰ দ্বাৰা উৎসাহিত হৈ তেওঁ নিজাকৈ কুকুৰা পালনৰ ব্যৱসায় আৰম্ভ কৰে। তেওঁ ৰিভলভিং ফাণ্ড, ৯০,০০০ টকাৰ কমিউনিটি ইনভেষ্টমেণ্ট ফাণ্ড (CIF) আৰু নিজৰ ব্যক্তিগত সঞ্চয়ৰ পৰা কুকুৰা পোৱালি কিনিবলৈ বিনিয়োগ কৰে। তেওঁ ৭২,৫০০ টকাত কড়কনাথ আৰু থলুৱা প্ৰজাতিৰ (চিৰুভেদী আৰু পেৰুভেদী) প্ৰায় ৫০০ টা পোৱালি আৰু দানা ক্ৰয় কৰে। কেইমাহমান পুহিবৰ পিছত তেওঁ প্ৰায় ৪০০ টা কুকুৰা সফলতাৰে বিক্ৰী কৰিছে। কোনোবাই তেওঁৰ ব্যৱসায় দেখি কামৰ প্ৰশংসা কৰিলে তেওঁ বৰ সুখী হয়। স্ব-সহায় গোট আৰু উৎপাদক গোটসমূহ তেওঁৰ জীৱনত ঈশ্বৰৰ আশীৰ্বাদ স্বৰূপ বুলি তেওঁ অনুভৱ কৰে। তেওঁৰ দৃঢ়তা আৰু উদ্যমী মনোভাৱৰ বাবে বৰ্তমান তেওঁৰ মাহিলী উপাৰ্জন ৪৫,০০০ টকা হৈছে।
