ভাৰত চৰকাৰ
নাছৰিন বি
ৰাজ্য : উত্তৰ প্ৰদেশ
জিলা : বেৰেলী
ব্লক : ঘনঘোৰী
গাঁও : ঘনঘোৰা
স্ব-সহায় গোট : জনতা আত্মসহায়ক গোট
জীৱিকাৰ কাম-কাজ : কেজিএন (KGN) বেকাৰী (ফেন, ক্ৰীম ৰোল, পাউৰুটী আদি সামগ্ৰীৰ প্ৰক্ৰিয়াকৰণ)
লখপতি দিদি'ৰ যাত্ৰা
উত্তৰ প্ৰদেশৰ বেৰেলী জিলাৰ ঘনঘোৰা গাঁৱৰ নিবাসী আছিল নাচৰিন বি। তেওঁ নিজৰ কেজিএন (KGN) বেকাৰীৰ কাৰ্য্যকৰী মূলধনৰ প্ৰয়োজন পূৰণৰ বাবে আৰু খাদ্য প্ৰক্ৰিয়াকৰণৰ সৰু সৰু সা-সঁজুলি কিনিবলৈ আৰ্থিক সাহায্যৰ পথ বিচাৰি আছিল। ৰাজ্যিক গ্ৰামীণ জীৱিকা অভিযানৰ জৰিয়তে তেওঁ জানিব পাৰিলে যে পি এম ফৰ্মেলাইজেচন অৱ মাইক্ৰ’ ফুড প্ৰচেছিং এণ্টাৰপ্ৰাইজ (PMFME) আঁচনিৰ অধীনত কাৰ্য্যকৰী মূলধন আৰু সৰু সৰু সঁজুলি কিনিবলৈ আত্মসহায়ক গোটৰ সদস্যসকলক চিড কেপিটেল (Seed Capital) সাহায্য প্ৰদান কৰা হৈছে। সহায়কাৰী সংস্থাটোৰ সহযোগত তেওঁ PMFME আঁচনিৰ অধীনত ৪০,০০০/- টকাৰ চিড কেপিটেল ধন লাভ কৰে। এই ধনেৰে তেওঁ এটা ক্ৰীম বনোৱা মেচিন কিনিলে।
যন্ত্ৰপাতি স্থাপনৰ পিছত উদ্যোগটোৰ দৈনিক উৎপাদন ক্ষমতা ২০০ টাৰ পৰা ৩০০ টালৈ বৃদ্ধি পাইছে। উৎপাদন ক্ষমতাৰ এই বৃদ্ধিয়ে উদ্যোগটোৰ দৈনিক লাভৰ পৰিমাণো ৪০০/- টকাৰ পৰা ৬০০/- টকালৈ বৃদ্ধি কৰিছে। কেজিএন (KGN) বেকাৰীৰ কাৰ্য্যকৰী মূলধনৰ প্ৰয়োজন পূৰণৰ বাবেও চিড কেপিটেলৰ ধন ব্যৱহাৰ কৰা হৈছে।
সামগ্ৰীসমূহ বেৰেলীৰ স্থানীয় দোকান, খুচুৰা বিক্ৰী কেন্দ্ৰ আৰু পাইকাৰী বিক্ৰেতাৰ জৰিয়তে বজাৰজাত কৰা হৈছে।
তেওঁৰ বেকাৰীখনে কেৱল তেওঁৰ পৰিয়ালটোকে পোহপাল দিয়াই নহয়, গাঁৱৰ আন লোকসকলকো নিযুক্তি প্ৰদান কৰিছে, যাৰ ফলত তেওঁ এগৰাকী নিবনুৱা ব্যক্তিৰ পৰা এজন নিয়োগকৰ্তালৈ ৰূপান্তৰিত হৈছে।
