ಭಾರತ ಸರ್ಕಾರ
ಚಂದನ ಸೈಕಿಯಾ ಕಲಿತಾ
ರಾಜ್ಯ : ಅಸ್ಸಾಂ
ಜಿಲ್ಲೆ : ಶಿವಸಾಗರ
ಬ್ಲಾಕ್ : ಡೆಮೋ
ಗ್ರಾಮ : ಗಜಾಲಿ ಬೊಂಗಾಲಿ
ಸ್ವ-ಸಹಾಯ ಗುಂಪು : ಅಂಕುರನ್ ಸ್ವ-ಸಹಾಯ ಗುಂಪು
ಜೀವನೋಪಾಯ ಚಟುವಟಿಕೆಗಳು : ಕೇಕ್ ಬೇಕಿಂಗ್, ಸಿರಿಧಾನ್ಯದ ಕುಕೀಸ್, ಪಿಜ್ಜಾ ತಯಾರಿಕೆ ಘಟಕ
ಲಕ್ಷಪತಿ ದೀದಿ ಪಯಣ
ಅಸ್ಸಾಂನ ಶಿವಸಾಗರ ಜಿಲ್ಲೆಯ ಡೆಮೋ ಬ್ಲಾಕ್ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ 'ಅಂಕುರ್ ಸ್ವ-ಸಹಾಯ ಗುಂಪಿನ' ಸದಸ್ಯರಾದ ಶ್ರೀಮತಿ ಚಂದನಾ ಸೈಕಿಯಾ ಕಲಿತಾ ಅವರು 2016 ರಲ್ಲಿ ತಮ್ಮ ಉದ್ಯಮಶೀಲತೆಯ ಪ್ರಯಾಣವನ್ನು ಪ್ರಾರಂಭಿಸಿದರು. ಬೇಕಿಂಗ್ನಲ್ಲಿ ಯಾವುದೇ ಔಪಚಾರಿಕ ತರಬೇತಿ ಇಲ್ಲದಿದ್ದರೂ, ಅವರು ತಯಾರಿಸಿದ ಕೇಕ್ಗಳು ಕುಟುಂಬ ಮತ್ತು ಸ್ನೇಹಿತರಲ್ಲಿ ಶೀಘ್ರವೇ ಜನಪ್ರಿಯವಾದವು. ಅವರ ಉತ್ಪನ್ನಗಳು ಶೀಘ್ರದಲ್ಲೇ ಸ್ಥಳೀಯ ಬೇಕರಿಗಳ ಗಮನ ಸೆಳೆದವು ಮತ್ತು ಈಗ ಅವರು ಶಿವಸಾಗರ ಜಿಲ್ಲೆ ಮತ್ತು ಸುತ್ತಮುತ್ತಲಿನ ಹಲವಾರು ಬೇಕರಿಗಳಿಗೆ ಕೇಕ್ ಮತ್ತು ಬಿಸ್ಕೆಟ್ಗಳನ್ನು ಪೂರೈಸುತ್ತಿದ್ದಾರೆ.
ಅವರು ಸ್ವ-ಸಹಾಯ ಗುಂಪಿನಿಂದ 10,000 ರೂ.ಗಳ ಆಂತರಿಕ ಸಾಲ ಮತ್ತು PMFME ಅಡಿಯಲ್ಲಿ 40,000 ರೂ.ಗಳ ಬೀಜ ಬಂಡವಾಳವನ್ನು ಪಡೆದರು. ಅವರು ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಎಂಟರ್ಪ್ರೆನ್ಯೂರ್ಶಿಪ್ನಲ್ಲಿ ಐದು ದಿನಗಳ ಉದ್ಯಮಶೀಲತೆ ಅಭಿವೃದ್ಧಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು, ಇದು ಅವರ ಉದ್ಯಮಕ್ಕೆ ಗಮನಾರ್ಹ ಉತ್ತೇಜನ ನೀಡಿತು ಮತ್ತು ಅವರನ್ನು ಒಬ್ಬ ಸಾಮಾನ್ಯ ಹೋಮ್ ಬೇಕರ್ನಿಂದ ವೃತ್ತಿಪರ ಉದ್ಯಮಿಯಾಗಿ ಬದಲಾಯಿಸಿತು.
ಅವರು ಆರು ಮಹಿಳಾ ಸ್ವ-ಸಹಾಯ ಗುಂಪಿನ ಸದಸ್ಯರ ತಂಡವನ್ನು ಮುನ್ನಡೆಸುತ್ತಿದ್ದಾರೆ, ಸಂಪೂರ್ಣವಾಗಿ ಮಹಿಳೆಯರಿಂದ ನಡೆಸಲ್ಪಡುವ ಉದ್ಯಮವನ್ನು ಹೊಂದುವ ದೂರದೃಷ್ಟಿ ಅವರದಾಗಿದೆ. ಅವರು ಬೇಕರಿ ಉದ್ದಿಮೆಯಲ್ಲಿ ಮಾಸ್ಟರ್ ಟ್ರೈನರ್ ಆಗಿದ್ದು, ಈಗಾಗಲೇ 1,500 ಕ್ಕೂ ಹೆಚ್ಚು ಮಹಿಳೆಯರಿಗೆ ತರಬೇತಿ ನೀಡಿದ್ದಾರೆ. ಮುಂದಿನ ದಿನಗಳಲ್ಲಿ ಚಂದನಾ ಅವರು ಸ್ವಂತ ಫ್ಯಾಕ್ಟರಿ ಮತ್ತು ಮಾರಾಟ ಮಳಿಗೆಯ ಜೊತೆಗೆ ತರಬೇತಿ ಕೇಂದ್ರವನ್ನು ಸ್ಥಾಪಿಸುವ ಗುರಿ ಹೊಂದಿದ್ದಾರೆ. ಅವರು ಈಗ ಸ್ವಾವಲಂಬಿಯಾಗಿದ್ದು, ತಿಂಗಳಿಗೆ 20,000-25,000 ರೂ. ಲಾભ ಗಳಿಸುತ್ತಿದ್ದಾರೆ.
