ଭାରତ ସରକାର
ଅନିତା କାଗ୍
ରାଜ୍ୟ : ମଧ୍ୟ ପ୍ରଦେଶ
ଜିଲ୍ଲା : ଧାର୍
ବ୍ଲକ୍ : ନିସରପୁର
ଗ୍ରାମ : କୋଣ୍ଡା
ସ୍ୱୟଂ ସହାୟକ ଗୋଷ୍ଠୀ : ମାରୁତି ଆଜୀବିକା ସ୍ୱୟଂ ସହାୟକ ଗୋଷ୍ଠୀ
ଜୀବିକା କାର୍ଯ୍ୟକଳାପ : ସିଲେଇ କାର୍ଯ୍ୟ, କୃଷି ସଖୀ ଏବଂ ଡ୍ରୋନ ଦିଦି
ଲକ୍ଷପତି ଦିଦିଙ୍କ ଯାତ୍ରା :
ଧାର ଜିଲ୍ଲା କୋଣ୍ଡା ଗ୍ରାମର ନିବାସୀ ଅନିତା କାଗ୍ ଜଣେ ଗୃହିଣୀ ଭାବରେ ଘରୋଇ ସିଲେଇ କାର୍ଯ୍ୟରୁ ନିଜର ଯାତ୍ରା ଆରମ୍ଭ କରିଥିଲେ। ଶିକ୍ଷିତ ହୋଇଥିଲେ ମଧ୍ୟ ସୁଯୋଗ ବିଷୟରେ ସଚେତନତାର ଅଭାବ ଯୋଗୁଁ ସେ ଏକ ସରଳ ଗ୍ରାମୀଣ ଜୀବନରେ ସୀମିତ ଥିଲେ। ସେ ଆଜୀବିକା ମିଶନରେ ଯୋଗ ଦେଇ ବୁକ୍କିପର ତାଲିମ ଗ୍ରହଣ କଲେ, ଯାହା ତାଙ୍କ ଜୀବନ ପରିବର୍ତ୍ତନର ଆରମ୍ଭ ଥିଲା। ୫୫,୦00 ଟଙ୍କାର ଋଣ ସହାୟତାରେ ସେ ନିଜର ସିଲେଇ ବ୍ୟବସାୟ ବଢ଼ାଇବା ପାଇଁ ଏକ ଉନ୍ନତ ମାନର ସିଲେଇ ମେସିନ୍ କିଣିଲେ। ତାଙ୍କର ଉଦ୍ୟମୀ ମନୋଭାବ ଯୋଗୁଁ ସେ ମୁଖ୍ୟମନ୍ତ୍ରୀ ସ୍ୱରୋଜଗାର ଯୋଜନା ମାଧ୍ୟମରେ ୧,୫୦,୦୦୦ ଟଙ୍କା ପାଇଲେ, ଯାହାଦ୍ୱାରା ସେ କ୍ୟାରି ବ୍ୟାଗ୍ ତିଆରି କାରଖାନା ଆରମ୍ଭ କଲେ। ଏହି ପଦକ୍ଷେପ କେବଳ ତାଙ୍କର ଆୟ ବଢ଼ାଇଲା ନାହିଁ, ବରଂ ନିକଟସ୍ଥ ଗ୍ରାମର ମହିଳାମାନଙ୍କ ପାଇଁ ରୋଜଗାର ମଧ୍ୟ ସୃଷ୍ଟି କଲା। ସେ ରାକ୍ଷୀ ତିଆରିକୁ ଏକ ଋତୁଭିତ୍ତିକ ବ୍ୟବସାୟ ଭାବରେ ଆରମ୍ଭ କରି ସ୍ୱୟଂ ସହାୟକ ଗୋଷ୍ଠୀ ସଦସ୍ୟଙ୍କ ସହଯୋଗରେ ଏହାକୁ ବଡ଼ କଲେ। ଅନିତା କେକ୍ ତିଆରିରେ ମଧ୍ୟ ତାଲିମ ନେଇଛନ୍ତି ଏବଂ ଉତ୍ତମ ମାନର କେକ୍ ପ୍ରସ୍ତୁତ କରିବା ସହ ଅନ୍ୟ ମହିଳାମାନଙ୍କୁ ତାଲିମ ଦେଉଛନ୍ତି। ଜଣେ କୃଷି ସଖୀ ଭାବରେ ସେ ଜୈବିକ ଚାଷକୁ ଆପଣାଇ ଭର୍ମି-କମ୍ପୋଷ୍ଟ ଏବଂ ଜୈବିକ କୀଟନାଶକ ପ୍ରସ୍ତୁତ କରୁଛନ୍ତି। ଏହା ସହିତ 'ନମୋ ଡ୍ରୋନ' ପ୍ରଯୁକ୍ତିବିଦ୍ୟା ତାଲିମ ତାଙ୍କୁ ଡ୍ରୋନ ସାହାଯ୍ୟରେ କୀଟନାଶକ ସିଞ୍ଚନ କରି କୃଷି କାର୍ଯ୍ୟକୁ ଆଧୁନିକ କରିବାରେ ସାହାଯ୍ୟ କଲା। ନିଜର ଏହି ବହୁମୁଖୀ ଚେଷ୍ଟା ଯୋଗୁଁ ଅନିତା ଏବେ ମାସିକ ପ୍ରାୟ ୩୦,୦୦0 ଟଙ୍କା ଆୟ କରୁଛନ୍ତି। ଜଣେ ଗୃହିଣୀରୁ ଜଣେ ସଫଳ ଉଦ୍ୟୋଗୀ ଏବଂ ସମାଜର ମାର୍ଗଦର୍ଶକ ଭାବରେ ତାଙ୍କର ଏହି ଯାତ୍ରା ସମସ୍ତଙ୍କ ପାଇଁ ପ୍ରେରଣାଦାୟୀ।
