இந்திய அரசு
சந்தன சைகியா கலிதா
மாநிலம் : அசாம்
மாவட்டம் : சிவசாகர்
வட்டம் : டெமோ
கிராமம் : கஜாலி பொங்காலி
சுய உதவி குழுக்கள் : அங்குரன் சுய உதவிக் குழு
வாழ்வாதாரம் செயல்பாடுகள் : கேக் பேக்கிங், சிறுதானிய குக்கீகள், பீட்சா தயாரிப்பு பிரிவு
லட்சாதிபதி தீதி பயணம்
அசாம் மாநிலம் சிவசாகர் மாவட்டம் டெமோ வட்டாரத்தில் இயங்கி வரும் 'அங்குர் சுய உதவிக் குழுவின்' உறுப்பினரான செல்வி சந்தனா சைக்கியா கலிதா, 2016 ஆம் ஆண்டில் தனது தொழில்முனைவோர் பயணத்தைத் தொடங்கினார். பேக்கிங் துறையில் முறையான பயிற்சி ஏதும் இல்லாவிட்டாலும், அவர் தயாரித்த கேக்குகள் குடும்பத்தினர் மற்றும் நண்பர்களிடையே விரைவில் பிரபலமடைந்தன. அவரது தயாரிப்புகள் உள்ளூர் பேக்கரிகளின் கவனத்தை ஈர்த்தன, தற்போது அவர் சிவசாகர் மாவட்டம் மற்றும் அதன் சுற்றுவட்டாரப் பகுதிகளில் உள்ள பல பேக்கரிகளுக்கு கேக்குகள் மற்றும் பிஸ்கட்டுகளை விநியோகம் செய்து வருகிறார்.
அவர் சுய உதவிக் குழுவிடமிருந்து ரூ. 10,000 உள்வட்டக் கடனாகவும், PMFME திட்டத்தின் கீழ் ரூ. 40,000 ஆரம்ப மூலதனமாகவும் (Seed Capital) பெற்றார். மேலும், இந்திய தொழில்முனைவோர் நிறுவனத்தில் (IIE) ஐந்து நாள் தொழில்முனைவோர் மேம்பாட்டுத் திட்டத்தில் பங்கேற்றார். இது அவரது வணிகத்தை கணிசமாக மேம்படுத்தியதோடு, ஒரு சாதாரண வீட்டுக் கலைஞர் என்ற நிலையிலிருந்து தொழில்முறை தொழில்முனைவோராக அவர் மாற வழிவகை செய்தது.
அவர் ஆறு பெண்கள் கொண்ட சுய உதவிக் குழு உறுப்பினர்களைக் கொண்ட குழுவை வழிநடத்துகிறார், முழுமையாக பெண்களால் நடத்தப்படும் ஒரு நிறுவனத்தை உருவாக்கும் தொலைநோக்குப் பார்வையுடன் செயல்படுகிறார். அவர் பேக்கரி தொழிலுக்கான முதன்மைப் பயிற்சியாளராகவும் (Master Trainer) இருந்து, 1,500-க்கும் மேற்பட்ட பெண்களுக்குப் பயிற்சி அளித்துள்ளார். எதிர்காலத்தில், ஒரு தொழிற்சாலை மற்றும் விற்பனை நிலையத்துடன் கூடிய பயிற்சி மையத்தை நிறுவ அவர் இலக்கு வைத்துள்ளார். அவர் இப்பொழுது தன்னிறைவு பெற்று மாதம் ரூ. 20,000-25,000 லாபம் ஈட்டுகிறார்.
